الخاوة حدها الدنيا

لخّوت ويا لخّوت

مجموعين عل لخبز و القوت

فرقتنا الدنيا فرقتنا الموت
 

          على بعادكم نبكي بدموع

السّي محمّد و يا لكبير

لعقل و حسن التدبير

القلب بيض او عامر بالخير

راني ليك نطوع

المصطفى القلب الصافي

ما يضر حد ما يحافي

ريحت الوالدين الحضن الدّافي

الله يضوّي طريقك بالشموع

وا داك المعقول يا السي بن داود

و خّا تحافي راني نزورك و نعاود

الدّير اللّي الدّير أنت خويا وانا ليك نساند

راه بوحدتنا يتحقق المشروع

وااااا داك الساكن بعيد

واا داك العايش فريد

يا عبد الله اللّي نار قلبي عليه شاعلة وكيد

راه ليك زاد اللّوع

واداك لعزيز يا سيدي حمد

درنا ليك خزانة وشدّيناها بوتد

و هجرتي لبلاد و خلّيتي لمركد

ئمتى يا خويا يكون الرجوع

عبد لعزيز و يا لحنين

يا اللّي ما يقول أح ما ينين

فين غنلقى مثلك فين

نتمنّى لقلم يكون عليك مرفوع

كبيرت القلب يا فاطمة

زينة الضحكة و التّبسيمة

الكرام كول و الدّي معاك للخيمة

عندها ما تعرف الجوع

يا اللّي اسمك سبق صورتك في خيالي

مليكة ختي للّه شكون بحالي

ريحت مّي ريحت بويا يا اللّي ديما شاطنة بالي

ايدي بيديك و نجمعوا لفروع

يتّجمع الشمل او يهنا قلبي و ما يبقى مخلوع

رحال أودغوغ