الدفاع دارت في الوداد حالة
و الحكام ما رضاش بهد المهزلة
و بدا يعطي في الاوراق راه من عند الجامعة جاتو رسالة
حيت ما بغاو يلاقيو الرجاء مع فرس دكالة
قالوا مع الوداد و الرجاء التيران غيعمر و ندخلو من الفلوس زبالة
في العالام المال خرج على لعب هد الكورة
اما في هد البلاد غيرو لها الصورة
ما يلعبو غير اولاد الاحياء المشهورة
اما اولاد الاحياء الشعبية كتبقى ديما محقورة
يطلعوا على حسابهم او من بعد تبقى في الاحتياط منشورة
ويقولوا لهم هد الرياضة لازم تقراو عليها في الصبورة
ما بغاو لا الجديدة و لا شباب الهرهورة
بغاو غير لفراقي اللي عند الفيفا اسمائهم مدكورة
فراقيهم طالعين غير بالدفيع و بئيد الجامعة مجرورة
لاعبين الجديدة اسمائهم من قديم تشهرات
الشريف و ها بابا امال الله شحال تقبوا من شبكات
وما ننسا بيهي و خوتو اللي معاهم هد الكورة زادت حيات
اما الشباب اسماءهم الدكرت في جميع الايدعات
في الحراسة ايوب لاما
وشحال ضريف ما يعاير ما يسب ما في كثرة لفهامة
او في الدفاع يونس حمال
كل جناح يدوز عليه ريشو يدزال
اما عاديل صعصع
اللي يقرب منو يتخلع
اللي يدوز من جيهتو يترفع
او موراد عيني ما يدوز عليه غير شي صكع
اما عزيز في الزنقة و شحال حنين
او في التيران يقطع ليك الرجلين
او في الوسط كاين روبيز و الضايفي بيناتهم شحال مفاهمين
موسى و الدمياني هما باش كنحلقو في المايدين
ايو الرياحي و يا الرياحي
تشوفو نايم و هو صاحي
في التيران يعمل غير الفضاحي
او في الشاريع معاه تحلى الفساحي
ما يتكبر ما يتعفر يحييك في جميع الضواحي
عبد الله لهوى لفراجة فيه غير شهوة
او السلماجي سماوه الكابتن ماجد
جميع الحراس منو كتراعد
غي عطيه الكورة يماركيها واقف ولا قاعد
كيطير في التيران كان الحال سخون و لا بارد
معاه جماهير لخصوم كتهرس لمقاعد
و السي التومي برجليه واقف
على وليداتو من الاعطاب خايف
هو ديما بعقلو لكن البارح مع الوداد كان خايف
ايو جورج كريستيان
المدرب المزيان
يجري مع اللعابة في الميدان
شيباني لاكن فنان
معاه في الجديدة بدات الكورة تبان
اما في الاحتياط
حتى واحد منهم ما شاط
كلهم كيعمو بالنشاط
ها اللي في الدفاع ها اللي في الهوجوم و ها اللي في الوساط
اما الجمهور معاه تحلى لفراجة
بلا بيه هد الكورة ما هي حتى حاجة
رحال اودغوغ
تصميم الموقع
الموقع من تصميم وإنجاز وتنشيط رحال اودغوغ زجال مغربي من مدينة الجديدة و
عبدالرزاق اودغوغ فنان تشكيلي وأستاذ مادة التربية التشكيلية من مدينة الدارالبيضاء
........................................
أوقـــــــات الصـــــــــــــلاة
حــــالــــة الطــــقـــــــس
عــدد زوار الـمـــــوقــع
Nombre de Visiteurs sont déjà 53512 visiteurs (111244 hits) عــدد زوار الـموقع
