غدر الزمان فْيَاقِي في كل صباح بَكْرِي        نفطر أو نخرج من الدار تشابهت عليا الأيام او كثرت الجري        مشات الصحة او ضعف لبصار يا اللي تايه أُو لدّنيا يشري        رد بالك راه الزمان دوّار ليام جارية و أنت ما لك علم بما يجري        حيث الدّور الدّايرة تمشي الافكار تطلب الله : ربي طوّل لي في عمري        أو توب عليّا توبة تمحي الأوزار ماذا دجبّرت او زدت في كفري        ماذا جعلت من الحق أسرار اليوم الشيب طْفى على شَعْرِي        عيني ذَبْلَتْ أودمعها مَغْزَارْ مشات العافية أو تقوّس ظهري       جفّت لعيون أو ذبلت لزهار يَا نَفْسِي لا دْزَيْدِينِي في كُلْ مَا لاَ لِيهْ نَدْرِي        و شحال تبعتك طيّحتيني في لَغْوَارْ عميتي قلبي و عميتي عيني و عميتي فكري        توب عليّا يا ربّي و جعلني من لبرار شحال دجبّرت و طغيت حيت كنت طري        ما درت خير و كثرت من العار بعد ما ضعفت رجعت نتفكّر عصري        و شحال طغيت او عبّدت من أحرار اليوم كنزيد نكثّر من عذري        حتّى يتوب عليّا لعزيز الجبّار راه في راسي زاد عليّا ضُرِّي        بعد ما كنت ولّيت.و تصرفوا الاصغار يا ربي لا تخلّيني اليوم نَعْرِي       راني خايف من ما أرخوا لملوك بالاسطار حيت نكون وحيد مَفْرُوزْ فْقَبْرِي        و يجيوني جنود لعزيز الجبّار كيف يمكن ننسى عاري        و دواخلي شاهدة و هي البشّار يا ربي اليوم انا كرهت في لعمر كبري        راه ايامي دَوَّّزْتْهَا تَوْدَارْ    و شكون غيرك يا ربّي يجعل لذنوبي تغفار                                   رحال اودغوغ