حليت عيني في بيت ما هو فحال البيوت
عندي جوج خواتات او ست الخوت
مجموعين على المحبة و الخبز والقوت
مرة الحرفي ومرة الخبز او الحوت
شكون قال غانتفارقو الى ما فرقتنا الموت
راه كل واحد فيهم بطبعو منعوت
اليوم غنتكلم على ختي فطومة
مادبه ممراضه او حشومه
عندها جوج البنات لبنى او حلومه
الاسرار كلها عندها مكتومه
مضيافه والعيب عامله لو كومه
ما تجرح حد ما تجبد خصومه
مسامحه في حقها وختى وهي مظلومه
وراها خير مثال للحنان والامومه
حيت على بزولت المحنه مفطومه
لميمه عيشه للي نتمنى تكون عند الله مرحومه
رحل اودغوغ
|
