ولدي في السبيطار هذي حكاية على ولدي لبكر تحرق من سدرو ما ببوطة ما بجمر غير بي حليب سخون عى سدرو تهضر في الوقت اللي غفلنا عليه لبصر ضرب كاصرونة بي دراعو ليسر و على غفلة تحرق من الدرعين و السدر خطفتو تحت الروبيني باش نبرد عليه شوية الحر سدرو التسلخ و امو تبكي تتنخصص او تنضر كانت الليالي البرد و الصر ما قدر يلبس لا سليب لا قميجة كلشي ليه يعكر الصيدلي قال لي دير لو هد البوماضة راه الدري صغير او بسرعة يجبر 50درهم للعلبة وحدة في الليلة لكن المال ما تجبر او في الليلة الثانية مع الفجر سمعت ولدي يهتهت او يهضر درت لو الميزان 40دراجة فوق الصفر خطفتو بسرعة للايرجانس لكن لقيت الطبيب ناعس يشخر الفرملية فيقاتو وانا نطلب فيه او نشكر الى ما كشف على و لدي راه كيتحضر خنزر فيا بشوفت واحد قلبو قاسح احجر او قال لي هذا علاش مفيقني في لفجر دير لو هذ الدوا او خليني نمشي نخمر دوليبران؟ عطاتو ليه امو او يومين او هي معاه تسهر غمض عينيه وقال لي هذا ما عندي و عطاني بي الضهر ما نكذب دعيت عليه او قلت سير انا بغيتها تلقاك في الصباح قبل لا تفطر هزيت ولدي او لكمتو في مانطة باش ما يجيه سمر خطفتو لبوليكلينيك لقيت تم طبيبة فيها شوية الانسانية شافت الدري يقفقف خطفاتو من ئدية دارت لو الميزان او دقت لو برا باش تهبط السخونية الدري فيه التبوريشة او الحرارة مئوية خرجت لو النعاس حيث لازمو عناية طبية نقاو لو الحرق او زادو في الصيروم بعض الادوية قالوا لي راها مضضات باكتيرية الدري صغير باتت معاه امو فوق الناموسية و انا بايت وحدي في الدار يدي على خدية لمن نعاود حكايتي راه بعاد واليدية بغيت ولدي يرجع للدار راه قتلتني الوحدانية ناكل بوحدي في البيت كيف بغيتها الدوز ليا ولدي ناعس في السبيطار و الزوجة حتى هي ما عرفت حالو كيف صار في هذ الليالي الشتوية نتغد مع 12 بي سندويتش او بطيطة مقلية الصداع في الراس او العافية شاعلة فيا بارك في الخدمة على الجمر او نتسنا نزورو فكل عشوية ناخد معايا شوية الديسير او ميهة معدينية لقيت ولدي ناشط او يضحك عاد تفاجات علي ناقشت مع الطبيبة حالتو قالت لي غيخرج غدا في الصبحية شكرتها على عنايتها بيه او قدمت لها تحية ولدي رجعت ليه الروح او رجعت لو العافية لكن انا اللي صبحت مقروح ضربت فلوس لكراء او المانضة حتى هي او خفت لنعود مفضوح غدا في الصباح مول الكراء يدقدق عليا دوزت التيليفون للخوت او قلتها لوالدية قالوا لي غير نعس او بات مرتاح غدا لفلوس توصلك فبرقية ايه قال ليك غير كون مزيان و دير تاكلك في الله و لا تخاف في هذ الدنيا كون مرضي و لا تخمم لا تهز الهم دجيك من عند الله عطية نسيبتي ساقت لخبار جابت لفلوس في لعشية قلت لي حشومة عليك او عار علاش الدرق هذ الوضعية خديت طاكسي في الليل مع نسيبتي للسبيطار بغات تشوف حالت ولدي اللي راه كان في خطار شافتو و تاسفت او قالت : فين كانوا عينيكم و علاش عما ليكم عليه النضار عندكم الدري صغير و لازم تكونوا معاه في حضر و الغد ليه في الصباح رجعت المدام او ولدي للدار يقلب في لبيوت او يتمختر كيف الكومندار يا الناس ردوا بالكم مع لولاد الصغار ليعملوا شي زبلة او تصبح حياتكم حتى نتوما مرار او تم ما ينفعكم ندام ما ينفع اعتدار رحال اودغوغ