المكتوب ما عليه هروب ابني او علي او زيد ياجور او طوب رد بالك راه الموت عليك مكتوب عمرت بي فلوسك ابناك و جيوب اليوم راك كاين موجود او عنداك لا تنسى المكتوب غدا تكون في قبر مظلم ما هو موقود و حيد مفرد لا حباب لا قلوب مكفن بثوب ابيض تنهش فيك جراثم او دود يا السارح في الدنيا رد بالك راه الزمان غدا مقلوب شوف اوراك شحال دازوا قبلك من جدود دير الخير تكون هنا او لهيه محبوب كون رزين او مرزن تكون من اهل الجنة معدود بأعمالك لكريمة ديما في قلوبنا صحيح و لا معطوب نضربوا بيك الامثال حيث غا تكون في بالنا موجود كون كريم او صادق او ما يكون فيك كذوب راه الدنيا فانية او غد تكون عند الله مردود رحال اودغوغ