ضاع الستيلو من ايدي سمعوا يا لخوت و يا لحباب الستيلوا ضاع بين صبعاني او ما بقيت عارف ما نكتب على الدنيا و لا لبلاد و لا على هذ الشعب الدنيا راكم كتشوفوا ما بقى فيها ما يعجب او لبلاد ترونات كل نهار واحد يخطب او في الطريق هذا سكران،او واحد يسرق ،او لاخر يطلب هذا هو حالوا مسكين هذ الشعب عيشت الدرويش اليوم صبحت كتعطب لا كلمة لا نظرة زينة او غير اللي ناض ليه يضرب هذا كلام ما بقيت بغيت نقولو غير صدق لا تكذب او حتى ايلاما صدقتنيش جي عندي او نديك عندو او تجرب و تشوف بعينيك شحال يهز على كتافو دلحطب و شحال دليالي سهران يتنقل من درب لدرب غير خليوني عليكم خليوني نحط هذ الستيلو او باركة عليا ما نحسب راني اليوم تشكرف عليا جميع لعصب او شكون عارف يمكن يتوقف لي القلب حيت ما بقى يعرف الصدق من الكدب او ما بقى بان ليه اللي يتحب الحمد لله راه ضاع ستيلويا فوق ذاك المكتب رحال اودغوغ