الصحة

أََيَّامْ مَنْ عُمْرِي مْشَاتْ

أُُو الأيَّامْ المَاجْيَة قْلِيلَة

السْبَعْ بَعْدْ مَا كان َيْزهَرْ زَهْراتْ

حِيتْ مْشَاتْ الصَّحَّة مَا لْقى حِيلَة

صبح دليل في هذ الحياة

بعد ما كان يَرْكَعْ لُو مَنْ في الغابة أُو لقبيلة

هدا حال كل من تَّلاَّتْ بِيه الأوقات

يعطيه بِالظْهَرْ كُلْ صاحب أُو خليلة

وشحال في الغابة كثر د لغوات

و القرد عمل تاج أُو اللّحية طويلة

أَوْلاَدْ مُوكَةْ حَيْحَاتْ

وْ لَنْسُورْ في الأقفار عليلة

راها اللي في لغنم التَّلاَّتْ

فَرْحَتْها بِالدُنْيَا مَا دُّومْ ليلة

أُو حتّى إلى من نياب الذيب نجات

عيشتها في الحياة تصبح دليلة

و اللي من عمري بقات

نتمنى من الله ندوّزها فضيلة

على الصحة اليوم راه عيني بكات

و الصحة الى مشات رجوعها ما لو وسيلة

رحال اودغوغ