الوالدين و شحال مقاسين لميمة و يا لميمة و شحال قاستي معايا من عداب تسع شهر في الكرش اعامين في الركاب في نص الليل تشقري علي اتصبحي فايقة في السروية اطيبي لفطور وتجمعي لفراش تفيقيني اوترضي عليا فيق اولدي تفطر اتمشي لمدرسة باش تخرج طبيب و دوز لي افي ليلة من ليالي شتوية على جلدة ليمون عفطت اتهرست من رجلها ليسرية الجبص في رجلها حطات الدقيق و القصرية كان العيد لكبير بغات تعجن خبيزات بالخميرة البلدية قلت لها والله لا عجنتيه حتى نعجنوا انا بيديا امرة ضربني واحد على قبل ولدو حتى لقى يديها عليه ملقية الواليد في لفجر يخرج خدام ما يرجع حتى لاخر الامسية على موطور حمر راكب و مكبط صيف و شتوية نهار الثلاث روبو يمشي للسوق هدا لحم هدي كبدة مشوية وفكل كانزة يجيب البون هدا دانون هدي زبدة او هدا حليب البقرة الرومية شد لانتريت وقال لي ندوز كونكور باش نخدم و نعونو شوية في الليل يجمعنا حداه هدي حجاية و هدي اسطورة عربية فين باقي نلقى بحالهم وشكون يرضي علي غير والدية يا ربي ترحمهم في الاخرة وتكون ارواحهم عندك محضية رضاتهم علي نازلة كل نهار في برقية رحال اودغوغ