|
|
 |
المنكر حتى في رمضان
هدا راه شهر رمضان
شهر العبادة و الغفران
فيه كنكونوا بين يدين الرحمان
راه اولو رحمة وسطو مغفرة و اخرو عتق من النيران
كلشي فيه مرفوع لاشياطين ولا جان
الى ما نزلت رحمة ربي راه غير من فعايل بني انسان
يا الناس صلوا صوموا زكوا راه هدي هي الطريق لحدائق الريحان
فيه يكون قلبك مسرور او وجهك مبشورو تكون ديما فرحان
ماشي بحال اللي عايش فكعان او ديما مقدور
لولاد مخلين على لمساجد و مجمعين على لقمر في جناب داك السور
ما يعرفو القبلة فين تتواجد جيعانين و يتسناو في لفطور
طايشين و بالتخدير يديهم تتراعد راه دمهم صبح مغدور
اما بناتنا كملوا لينا على لعشور
الماكياج تعملو في الصحور
الطانقة في الحاجب و نموكيت با فلعكور
و الروايح ما نقوليكمش اش من عطور
غير تشمها صايم ولا فا طر لا بد الدور
باش يصبح وجهها ضاوي و مبشور
راه قال ليك الماكياج بنهار عليهم محضور
اما اللبس غير تتقزب و تخرج الدور
السروال ايلاستيك و البوط يبان راه في المدرسة عندها السبور
الوالدين نساو ولادهم و نساو التربية
و حتى هما خلاو على القيم الاسلامية
بغاو يزرعوا في ولادهم طبايع صهيونية
اللبس المشطة و الدراسة حتى هي
يا الناس ردوا بالكم راه حنا مشينا في الطريق الخطية
راه بلادنا سياستها راس مالية
او عندهم في الزيادة كل الحرية
البارح في الزيت و القيق و اليوم بقا غير السكر و البمطة حتى هي
باش يهرسوا الجناح للطبقة الشعبية
ما بغاوهم يضوقوا النعايم الدنيوية
باركة عليهم غير ديك الدغمة الحرفية
ونتمنى تكون هدي رسالة لوزارة الداخلية
باش تحمينا من شحال من طاغية
راه كتروا الطغاة في دولتنا المغربية
يا ربي تنزل الغيث راه غلث البور ما هي بحال المسقية
او تم يتفسخ الى كان شي سحور او تصبح عيشتنا هنية هدا راه شهر رمضان
رحال اودغوغ
|
|
 |
|
|
|
الموقع من تصميم وإنجاز وتنشيط رحال اودغوغ زجال مغربي من مدينة الجديدة و
عبدالرزاق اودغوغ فنان تشكيلي وأستاذ مادة التربية التشكيلية من مدينة الدارالبيضاء
........................................
|
|
|
|
|
|
|
|
|
 |
|
| |
|
|
