المرءة والحرية النسا و يا النسا فعيلهم فعال محزمات باللفاع او لعقارب خلخال هذا كلام حكيم قالو المجدوب او عاودو رحال مايقولو غير اللي بفعايلهم مضروب او بوهالي او زجال ما يفلت من فعايلهم حتى واحد كان خيب و لا من زينت الرجال الى بغيتي تجرب يا الدير احمق يا تخدم لهبال او رد بالك ليعيقوا بيك و يقطعوا ليك لحبال تصبح عيشتك ظلام و غمام او تصبح تطلب ايمتى يصفى ها الحال بغيت نسول سؤال:فين مشات شجرة الرجالة؟ عرشهم صبح مدبال المرءة عملت فيهم حالة شحال فايلت عليهم من فال داروا روسهم في النخالة اليوم ضاعوا اولاد لحلال خرجت عليهم البيطالة فضلوا عيشت الارذال او عيشت العز قالوا عليها لالا الظالم ملات الخال في لبلاد نوضت بلبالة عيدنا يفرحوا بيه؟موحال؟ او عيدهم عملنا فيه كوامنجية او طبالة يسجد ليهم كل ساحر او دجال و الجاهل داروه زبالة طيحت بي ملوك و اصحاب المال كيف يعمل اللي راس مالو فاس او بالة حالنا معاهم اليوم اصبح حال و اصبحنا على دينا عالة مولات الحشمة كبلناها تكبال و على لمبرجة عملنا لعيوننا جلالة لمحجبة عملنا عليها حيوط و غلال و الفاسقة قلنا ليها لالة اليوم حملنا راه ثقال او شمسنا اللي غربت طلتها محالة رحال اودغوغ