النسا دليوم ما فهمت والو الرومي و الزيف لعكر و لكحل و الخالة في النيف حقا الحجاب و الدين ما فيهم تكليف و اللي دوا يتحارب بالسيف فين مولات لعيون الكوحل و الماكياج الخفيف فين مولات الجلابة و الشربيل و اللبس الضريف بنات اليوم الزيف الصاية و السروال طويل او في الليل شقيفات دلكيف ها الروج ها الفينو او لعكر ربيع او صيف البيرا و الماحيا و الدرة شتاء و خريف سمحوا لي انا ما بقيت فاهم والو اش هد التخريف لمرة البارح كانت غي ضلعة عوجة و اليوم صبحوا ضلوع صبح الراجل مسكين في الدار كيف الفار المخلوع و قولو لي كيف ندير مع اللي كتنتف زغب السبوع كنت بصحتي و مسك بديني و اليوم تهرسوا لي لكروع ما بقيت نقدر نوقف في وجهها رانا و الليت مضبوع سوق النسا سوق مطيار الدخلو برجليك او تخرج منو مرفوع عدروني ما نقدر نوريكم شي حل لنعود حتى انا من جدوري مقلوع او تم ما ينفعني لا شكى و لا دموع و حياتي تصبح ظلام لا ضوء ولا شموع رحال اودغوغ