النساء و التقليد وجهك زين او ضاوي يا زينت النسا في السمية طبعك جبلي بداوي و التشامر على يديك ملوية ما ضربناك لا بعصي و لا بهراوي و كنتي نعم التربية طيابك شحال بنين كل نهار شهاوي زيد الخبز المعجون بالخميرة البلدية اما نقول ليكمش اش من حلاوي و تقول قريا عليها في مدارس غربية قلبي يلى مرض كنتي ليه الداوي لكن اليوم ما عرفت اش دورك علية صبحتي عند الامن كل نهار شكاوي اش غير طبعك يا بنت العربية رجايا فيك يا العالي راه بناتنا صبحو يقلدو في كل نصرانية راني عيت عليهم ما نشالي لكن مشاو في الطريق المنسية ومشا لي حتى لحبيب الغالي وشحال تمنيتو يرجع ليا راه اليوم صبح شاطن لي بالي و شحال كتبت لو من برقية قلبي اليوم صبح عليه دامي قول لي اش نعطيه من ادوية راه ضاع من ايدي لجامي و المرءة فرقتها حارة زغبية و اليوم عليها كثر كلامي يا ربي تنزل عليها شي رحمة الاهية رحال اودغوغ