التخدير مجروح و الجرح في الاعماق الصحة و العقل حتى شي فيا ما بقى لاق تبعت التخدير حتى قربت من الحماق سبابي التقليد و التهور مع الرفاق قالوا لي كمي كاروا ولا سيجار لقراية تدخل في العقل بلا منجيب خبار دخلت للتخدير من شلا بيبان صغار بغيت نخرج لقيتها كيف مصيدة الفار و صبحت حاير في الدنيا ليل و نهار كيف نخرج من هد المصيدة راه اليوم عقلي حار خليت على راي والدية و هجرت ليهم الدار و شكون غيرهم يحن فيا ولا يعطيني بالشوار قالوا السدر اللي ما يحمل الدهب عطيه الدخان انا ما كفاني فيه الكارو عطيتو شقيفات و شحال من جوان الريق بدكيكة اتاي و الروج منو كيسان ناخد في السم حتى قلالة صحتي و مانا دريان ما بقى عندي مال و تعاطيت للنفحة بحال الثيران خدمت سيرور سارح في الطرقان نسيري صبابط حباب و عديان برد و شمس نمسح في الرجلين و عرقان على خمس دراهم باش نشري قريعة جانكا نبات سخون في الليل و سكران خلليت على راي المبكيني و تبعت راي الضحك و الفلاس صبحت نتسكع في الطرقان و حالتي تخلع كل الناس قلالت صحتي و ما بقيت نقدر نحمل لا بالا و لا فاس شوفو حالتي يا شباب و تشفاو ولا يدخلكم حتى انتوما الوسواس تقلال صحتكم و جيوبكم تساس ما تلقاو راحة و ما يبقى يجيكم النعاس رحــل اودغــوغ