اولاد اليوم لوليد ا لوليد و شحال من عام و انا كنربي فيك الحبيب سول الزمان او لبزيزيلة و شحال رضعتي منها دلحليب سهرانة معاك الليالي او في المرض شحال جريت بيك من طبيب بوك خدام بالنهار او بالليل يدور و يجيب هدا ثمر هدا لوز هدا كركاع او داك زبيب خدام صمايم او ليالي او في الليل يخوي الجيب و اليوم كبرتي او قريتي و التخرجتي و شحال وليتي كتغيب جات وحدة الداتك و دات لينا معاها لقليب ما بقى اللي يدق بابنا لا خو لا صاحب و لا قريب علاش ما بقيتي سولتي فينا حشومة عليك او عيب لغنم الى ما لقات اللي يرعاها راه ياكلها الديب و اليوم انت هو راعينا زورنا او باركة علينا من التعديب رحال اودغوغ