تفقدات التيقة بنادم هد الزمان ما بقات فيه تيقة لاخو لا صاحب و لا صديقة يقادوا الكدب و يدرقوا الحقيقة تشوف البنت و تقول ضريفة و رقيقة غاناخودها و نديروا وليدات و تكون لي في الدنيا رفيقة غي الدزوجها الدخلك من خرم لبرة و تقول ليك هدي هي الزنيقة لا مصروف يشيط و شحال معلمة دالسريقة تشوفها تقول محضرة لكن افكارها عتيقة كون خيب و لا زين على فلوسك تلسق فيك تلسيقة ما تخليك تتنفس مجيفاك من العنق و تقول راكباك الديقة الزواج زادك محنة ورقة و هي زادها في الراس شقيقة اما الصاحب صادقتو و عطيتو النية عملتو واحد من الخوتي و لقيتو يحفر ليا امنتو على سراري و عطيتو ظهري و شمت فيا النميمة ديال لعيلات ليوم صبحت عندو مزية شحال من صاحب صادقتو و عاشرتو و كواني في قلبي كية واحد دينو الاسلام لكن مرضعاه جنية يعاملك باحترام حتى يامنك و ينقض عليك كيف الحية فالمعقول شحال عندو دلكلام لكن افعايلو شيطانية تلقاه في صيفة ادام و ما يعقل لا على خو لا صاحب و لا بنية بنصايحو تقول لقمان و الحكمة ما خدا منوا حتى شوية سمعوا يا السامعين هد النصايح راه ما بقات تيقة في هد الزمان وشكون غير ربنا يفاجيها عليكم و عليا رحـال اودغــوغ