ولد الخناث هدي حكاية ولد الخناث بوه قاضي و امو ريسة الجماعات بضصارتهم ليه شحال ضيع دلبنات ها اللي خرجهم على الطريق و ها اللي صبحو ساقطات جا ليهم واحد لحكيم و قال خودو لو شي فتاة اللي تغير لو مجرا هد الحياة خاصو يحس بالمسؤلية و يدير وليدات قالوا لو ما قلتي عيب نعم الحكمة و نعم التفكير خاص غير ولدنا يحسن التدبير انتمناو من الله يتبت الغرس و ينبت الخير زوجوه ببنت الناس و فليلة العرس الدري من العمارية كيطير راه الخبز اللي ما مدلوك كيف يدوز الى كان فطير لعريس يبات سهران بالليل او بالنهار يعطيها للشخير دزادوا عندوا بنات و دراري او والديه مكلفين بالصير يدير في الدنيا غير الزبالي اللي معها العقل يحير عارف بللي هو عند والديه غالي وما يبغيوه يكون ضرير هدا سر اللي مايربيو لولاد واحد يبني ولاخر يقلع لو في لوتاد علاش قال ليك راه من الجنة خارج العكاد ولادنا صبحوا فنيانين كيف بغاونا نزيدو بالبلاد لا تربية لا اصلاح مكين غير اللي يزيد لفساد ايه اللي ما رباوه والديه يربيه الزمان الوالدين مشات ارواحهم عند العدنان او لمخنث نكروه لحباب لصحاب و الجيران صبح دايخ في هد الدنيا و حيران تسدت في وجهو جميع البيبان سمعوا سمعوا يا بني انسان ربيو اولادكم قبل لا يفوت الاوان زرعوا في قلوبهم الرحمة و الحنان و لا تنساو خيرة الاديان راه هو المفتاح لحدائق الرحمان رحال اودغوغ