|
|
 |
على الخبز الحرفي كثرة لهضور
اليوم في بلادي صبحت محقور
عشايا خبز حرفي او اتاي مع لفطور
مع لغلاء ديال ليوم ما بقى ليا فين ندور
ما بقينا نعرفو لا بسمة و لا اوجه مبشور
الخلصة هي هي و الزيادة بلا مشور
على ضهرنا صبحت تخرج ضرائيب و عشور
حرمونا من كلشي او ما خلاو لينا لا غرس لا بذور
غرقنا بي لكريدي و اصبحنا نخمموا في قطيع لبحور
يا الغادي و يا الغادي في البابور
عفاك لا تنساني و ديني معاك لبلاد النور
انا صحيح في بلادي او بي التخمام صبحت مضرور
واخا ما نقدر نفرق اولادي لكن لغلاء خلاني راجع اللور
اليوم نويت نهجر ارض جدادي راه دراعي فيها صبح مكسور
نويت في الغربة نبلغ مورادي او ما نبقى بي دعم الحوكومة مجرور
بغيت نكون انسان حر او عادي او نبعد او ما نقرب من المحضور
او رجايا فيك يا الهادي راني اليوم مهاجر ،بلغهم راني معذور
يا الخاريج انا عليك النادي جر جر او لا تخليني مقهور
|
|
 |
|
|
|
الموقع من تصميم وإنجاز وتنشيط رحال اودغوغ زجال مغربي من مدينة الجديدة و
عبدالرزاق اودغوغ فنان تشكيلي وأستاذ مادة التربية التشكيلية من مدينة الدارالبيضاء
........................................
|
|
|
|
|
|
|
|
|
 |
|
| |
|
|
