زردة و اش من زردة ها الكفتة و ها الكوطليط اليوم جايين عندي النساب او ها اللحم مخضر بالبرقوق و شحال بنين هد الطياب ها السفة و ها الديسير كلشي موجود مع هد لحباب قول اللي بغيتي اليوم ما عليك حساب يا الراجل صبر على همك راه هداك هو المكتاب اغدا لعدوزة و الشيخ بالشطابة تلقاهم فالباب لا ضحكة لا نضرة زينة و شوفتها شوفت لكلاب ابتسامتها ابتسامت السبع لما يخرج ليك النياب او تتسنا ايمتى تتقد عليهم و ترفسهم بلا حكام و لا حساب لا ماكلة زينة و اتاي عامر او سكرو ما تصاب او الخبز الحرفي ناشف يلصق في الحلق كيف التراب هد الشي ما هو معقول و ما كينص عليه حتى شي كتاب يا لعروسة رودي بالك راه اليوم معاك او غدا عليك لازم ترضاي بالعقاب غي تزوجي ولادك و تجربي حتى انتي داك لعداب رحال اودغوغ