الزمان دوار البارح كنت بي مالي و اليوم صبحت ساعي كنت بي صحتي و كتافي و اليوم تهرسوا دراعي و شحال كان عايش معايا من مسكين و شحال من راعي تبعت كلام اللي مضحكني و خليت كلام الواعي و شحال وكلت من جمايع و شحال شربت من رباعي اليوم صبحت عديم لا صحة لا مال فين الورد و الزهر اليوم كلشي ذبال فين مولات لخدود الحومر او فين مولات الخال؟ فين دوك الصحاب ؟ واش باقي منهم شي ولد لحلال؟ ايه, هذا سر اللي ما طاف او ما جال اليوم غيعرف بي حق الرجال اللي كيضربوا حساب للنهار اللي كتتغير فيه الاحوال ما شي بحال اللي يديرها بيديه و يقول لك غدا يفكها الحلال رد بالك اصاحبي زمان اليوم صعاب او مابقى فيه غير الارذال رحال اودغوغ